Arsyet përse duhet të fërkoni çdo ditë lëkurën në të thatë, pa e larë me ujë

Në këto ditë të nxehta vere është mëse normale që të bëni disa herë gjatë ditës dush pasi djersini më shumë, trupi mbledh më shumë papastërti, plus që një dush i freskët është mënyra më e mirë për të sfiduar temperaturat e larta.
Secili prej jush ka aksesorët e duhur të dushit si sfungjeri, shampoja dhe sfungjeri i trupit etj.

Në artikullin e sotëm do t’ju propozojmë një lloj tjetër larjeje, më saktë të fërkoni trupi një herë në ditë me sfungjer ose furçë të thatë. Ky veprim sjell 4 përfitimet e mëposhtme:

1.Eleminon lëngjet e tepërta nga trupi: Gjatë fërkimit ju stimuloni drenazhin e lëngjeve pa qenë nevoja të përdorni diuretikë. Në këtë mënyrë reduktoni edhe fryrjen në pjesë të ndryshmë të trupit sin ë këmbë dhe barku, si dhe parandaloni inflamacionin e tyre.

2.Lufton celulitin: Celuliti, i njohur ndryshe si lëkura e portokallit, është një problem estetik që prek shumë femra si pasojë e akumulimit të qelizave dhjamore nën lëkurë. Drenazhi limfatik që realizon me anë të fërkimit mundëson qarkullimin e gjakut i cili konsiderohet edhe si një prej faktorëve që formon celulitin.

3.Parandalon strijat: Strijat ose zmaliaturat krijohen si pasojë e dehidratimit dhe mungesës së elasticilitetit të lëkurës, ky problem është i lidhur ngushtë me reduktimin e prodhimit të kolagjenit. Konsumi i vazhdueshëm i ujit dhe lëngjeve të tjera, shoqëruar edhe me teknikën e fërkimit në të thatë ju ndihmon të rigjeneroni qelizat epidermike, duke parandaluar formimin e strijave.

4. Ndihmon në rigjenerimin e lëkurës dhe e zbut atë: Scrubi i lëkurës në të thatë ju ndihmon të eleminoni qelizat e vdekura të lëkurës që i japin lëkurës një pamje të thatë dhe pa jetë. Duke stimuluar rigjenerimin e lëkurës do të parandaloni gjithashtu edhe formimin e rrudhave dhe do të keni
një lëkurë të butë dhe më të bukur.

Komento