Buzëkuqtë e errët në trend këtë sezon

Gjatë 2-3 viteve të fundit kemi pasur mundësinë për të mësuar rreth asaj se në cilat mënyra të kombinohen dhe të aplikohen nuancat e ndritshme të buzëkuqit.

Nuancë të gjerë të përdorimit te shumica e femrave do të gjejnë nuancat e kuqe të errëta të buzëkuqit,raporton Gazeta Kosova Sot

NUANCA E FRUTAVE TË MALIT Për femrat, që nuk duan të heqin dorë nga eleganca, feminiteti dhe delikatesa… përzgjidhni nuancat në fruta të malit, që në vete ka nuancën e ngjyrës rozë. Nëse dëshironi një dukje si Jennifer Lopez, mos harroni efektin “smokey eyes” në sy.

NUANCA E QERSHISË SË PJEKUR Lirisht mund të thuhet se është një nga nuancat ‘më të zakonshme’, por edhe nuancave më popullore të kuqe të errëta, që u shkojnë për shtati personave me çehre të ndritshme. Krahas kësaj, kombinoni edhe grimin e lehtë dhe më të ajrosur.

NUANCA E KUQE E KUMBULLËS Për dukje verore, kur teni juaj të jetë nxirë, krejt çfarë ju nevojitet është hija e lehtë, maskarë dhe buzëkuqi në nuancë të kuqe të kumbullës. Bonusi i gjithë kësaj është edhe fakti se dhëmbët tuaj do të shkëlqejnë nga bardhësia.

NUANCA E PATËLLXHANIT Nuanca e fundit e nuancave të buzëkuqit më së shumti do të përqafohet nga femrat dhe gratë e reja, sepse vërtet lë gjurmë, diçka që shumë femra nuk do ta kenë guximin për ta aplikuar.

NUANCA E DHEUT TË VERËS SË KUQE Në këtë nuancë gjejmë të kuqen e errët dhe atë ezmere, sikurse në verërat e shumta të Mesdheut. Shkëlqyeshëm u përshtatet personave, që kanë nuanca të ngjyrës së flokut të artë, të kuqe dhe ezmere, si dhe çehre më të zbehtë dhe më të errët.

NUANCA E MESNATËS SË VERËS SË KUQE Kjo nuancë e errët dhe pa shkëlqim në buzë do të duket hatashëm, nëse nuk keni çehre tepër të zbehtë. Po ashtu, me këtë buzëkuq shmangni ngjyrat e ndezura në mollëza dhe kapakët e syve. Pjesa tjetër e grimit duhet të jetë e thjeshtë. Shmangni dukjen e “vampires së re”.

Komento