Çaji i gjelbër ngadalëson trashjen

Çaji i gjelbër ngadalëson trashjenPirja e përditshme e disa filxhanëve me çaj të gjelbër mund t‘ju ndihmojë të ndalni grumbullimin e kilogramëve duke kufizuar se sa yndyra absorbon organizmi nga ushqimi, pohojnë shkencëtarët.

Për shkak të komponimeve që përmban, çaji i gjelbër kufizon absorbimin e yndyrave në organizëm dhe kështu ngadalëson shtimin në peshë, kanë zbuluar shkencëtarët.

Hulumtuesit nga Pennsylvania State University kanë konfirmuar këtë zbulim me eksperimentet në minj, shkruan Daily Mail, transmeton Koha.net.

Është e rëndësishme të përmendet fakti që minjtë tashmë ishin të trashë para fillimit të eksperimentit, ndërsa shkencëtarët i kanë ndarë në dy gupe.

Brejtësit i kanë ushqyer me ushqime me vlerë të lartë të yndyrave, ndërsa vetëm njërit grupi në ushqim i kanë shtuar çaj të gjelbër. Ata minj janë trashur 45 për qind më ngadalë pavarësisht asaj që kanë ngrënë sasinë e njëjtë të ushqimit si minjtë nga grupi i parë.

Përveç peshës së ulët trupore, minjtë e ushqyer me çaj të gjelbër kanë pasur edhe më pak yndyra të këqija në gjak. Nga ana tjetër, është zbuluar që çaji i gjelbër ndikon në zvogëlimin e apetitit. Të gjithë minjtë kanë pasur dëshirë të barabartë për ushqim. /Telegrafi/