Maska shtëpiake me mollë, rrush dhe aloe vera, kundër rrudhave

Po kërkoni një maskë për fytyrë që ndihmon në trajtimin e rrudhave dhe që është krejt natyrale, e lehtë dhe që ju bën të përtëriheni? Atëherë mos shikoni dhe mos kërkoni tutje, sepse kjo është e duhura për ju

VETITË E MOLLËVE

Mollët janë pemë që njihen për përmbajtjen e lartë me ujë dhe fitokemikate, dy përbërës esencialë që kujdesen për rigjallërimin e lëkurës. Përfshirja e mollëve ul praninë e qelizave të vdekura dhe krijon një barrierë mbrojtëse nga efektet negative të radikaleve të lira.

VETITË E RRUSHIT

Antioksiduesit dhe vitaminat C në rrush luajnë rol të rëndësishëm në mbrojtjen e lëkurës tuaj nga efektet e dëmshme të radikaleve të lira. Përmbajnë resveratrol, vitamina E dhe minerale që stimulojnë aktivitetin qelizor për të ulur efektet e plakjes.

VETITË E ALOE VERËS

Xheli përbrenda bimës së aloe verës është një ndër më të mirët për kujdesin e lëkurës. Përmban shumë ujë, antioksidues dhe nutrient esencial që rigjallërojnë lëkurën. Rekomandohet për trajtimin e të djegurave,akneve dhe gjendjeve të tjera të lëkurës.

SI TA PËRGATISNI MASKËN ME MOLLË, RRUSH DHE ALOE VERA

Përgatitja e këtij ilaçit shtëpiak është shumë e thjeshtë dhe nuk merr shumë kohë. Është me rëndësi ta kujtoni se përbërësit duhet të jenë qind për qind natyralë. Përbërësit: 1 mollë të gjelbër; ¾ e gotës rrush (100 g); ½ e gotës aloe vera (100 g). Udhëzimet: Copëtoni mollën në disa pjesë, hiqni farat dhe shtoni në blender. Më pas e përzieni derisa të krijohen pire. Pastroni rrushin dhe e copëtoni në pjesë të vogla. Shtoni në blender bashkë me xhelin nga aloe vera. Përzieni derisa të keni një masë të trashë homogjene. Më pas e derdhni në një kavanoz dhe e ruani në frigorifer. Si ta aplikoni: Gjatë natës, kur ta keni larguar grimin, shpërndani një shtresë të hollë në fytyrë, qafë dhe gjoks. E lini të veprojë për rreth 20 deri 30 minuta. Pas kësaj kohe, e shpëlani me ujë të ngrohtë dhe e thani fytyrën me peshqir të butë. Ta ruani në frigorifer deri tri ditë. Përsëriteni tri herë në javë.