Mos e mbani qumështin tek dera e frigoriferit

Nëse e mbani qumështin në derën e frigoriferit, atëherë jeni duke bërë një gabim të madh.

Një këshillë nga ‘Good Housekeeping’ zbuloi se mund të helmoni veten dhe ushqimin tuaj vetëm duke mos ditur se si t’i organizoni gjërat në frigorifer.

Mund të duket e çuditshme, por ka logjikë prapa kësaj. Siç duket, dera është pjesa më e ngrohtë e frigoriferit, duke bërë që qumështi të ketë më shumë gjasa të prishet.

Në vend të mbajtjes aty, GH sugjeron që produktet e qumështit t’i mbani në pjesën e poshtme ose të mesme të rafteve të frigoriferit, pasi janë më të ftohta.

Të njetën gje duhet të bëni edhe me mishin ose peshkun që e mbani në frigorifer, pra duhet të shkojnë në raftet e poshtme.