Peelingu i i lëkurës

Të paktën për një jave, do të jetë e nevojshme një sapun i mirë detergjent, një fshirës ose një heqës papastërtish delikat, i cili duhet kaluar në fytyrën e lagur me ujë të vakët; ky veprim duhet të përsëritet çdo mëngjes dhe mbrëmje për shtatë ditët e para, pastaj përgjatë gjithë muajit vetëm në mbrëmje.

Pastrimi “peeling”, i bërë vet, mund të përgatitet duke përzier disa lugë kos të hollë lope me një lugë të majme sheqeri të imët; alternativa për lëkurat më të yndyrshme përfaqësohet nga përzierja sheqer-limon…për lëkurat e thata mund t’i shtohet përzierjes kos-sheqer edhe një sasi qumështi pastrues për fytyrën.

Pasi të keni pastruar fytyrën, përdorni pastaj mbi të një shuk pambuku të lagur me tonik; lëreni të thahet produkti vetë dhe pastaj kaloni te një krem i veçantë, hidratues për ditën dhe ushqyes për natën. Mbi lëkurat e përziera ose të yndyrshme, kremi ushqyes zëvendësohet me pastrues yndyre.

Për të marrë rezultate të kënaqshme, këshillohet përdorimi i një maske kozmetike, e cila duhet përdorur në mbrëmje një ditë po një ditë jo për javën e parë, pastaj dy herë në javë për dy javët e tjera dhe në fund, një herë në javë me regjim të rregullt. Për të favorizuar veprimin e maskës, para aplikimit të produktit, duhet larë fytyra me ujë të ngrohtë dhe qumësht pastrues dhe, me fytyrën e lagësht ende, duhen bërë masazhe me lëvizje rrethore; shpëlani sërish fytyrën me ujë të ngrohtë, fshini me një pecetë teprinë e ujit dhe vini një shtresë të bollshme maske, duke e lënë të veprojë sa ka kohën e vet.

Pasi të keni respektuar kohën e veprimit të saj, mund ta lani fytyrën me kujdes dhe mirë, duke hequr tepricat e saj me një pastrues të mirë fytyre.

2 Comments

  1. a ka mundsi me me tregu per rrudha edhe per ppika si mi jek

  2. kam nje shqecim kam rudha posht syve ,,,,,dhe fytyren me njolla kafe se kam fytyren ic te paster ju lutem me rekomandoni dicka nje emer kremi se maskat ne kushtet e shtepis i kam ber te gjitha sme kan ber as gje,,,,fytyren e kam te that 23 vjece jam me respekt

Komento