Pemët aleate të lëkurës

Fytyra nuk ushqehet vetëm me kremra hidratues. Të ndjekësh një dietë të shëndetshme është shumë e rëndësishme për të garantuar të gjithë elementët të cilët ndihmojnë të “zhdukin” shenjat e kohës, ta mbajnë në formë, të hidratuar, të luftojnë rrudhat si dhe të shmangin daljen e damarëve të kuq, apo më keq akoma të puçrrave.

Ja cilat janë pemet aleate të lëkurës,qe mund t’i zbuloni lehtësisht, t’i konsumoni në mënyrë të vazhdueshme për të shmangur plakjen e lëkurës së fytyrës.

Shalqiri, pjepri dhe mango,si fruta të lëngshme janë të pasura me karotenoide, ideale për ta mbrojtur lëkurën nga rrezet e dëmshme të diellit.

Por mos harroni që nuk është e mjaftueshme t’i përfshini në dietë: përdorni gjithmonë mbrojtjen e duhur kundër rrezeve të dëmshme të diellit në bazë të fototipit tuaj dhe ekspozohuni në diell gjatë orëve të para të mëngjesit, jo në pikun e vapës.

Kivi së bashku me portokallin e zakonshëm dhe atë të kuq janë një burim i pasur vitamine C, një ndër aleatët kryesorë të bukurisë. Në fakt vitamina C nxit sintezën e kolagjenit dhe është një element shumë i rëndësishëm kundër rrudhave.

Sipas një studimi të publikuar nga “American Journal of Clinical Nutrition”, femrat që ndjekin një dietë të pasur me këtë element e kanë lëkurën më pak të thatë dhe me më pak rrudha.