Për pranverë dhe verë, në trend veshjet me vija

Ekzistojnë dy dezenë, që në secilin sezon kthehen nga fillimi. Porsa të ngrihen temperaturat, vendosim syzet në sy dhe kënaqemi duke u shëtitur, rrugëve mbizotëron dezeni me lule dhe, vijat bardhezi, që nuk dalin nga moda. Këtë sezon vijat vijnë me plot vetëbesim. Janë stil ideal për pranverë e verë,transmeton gazeta Kosova Sot.

PËRCILLENI FORMËN E TRUPIT

Siç kemi thënë, vijat theksojnë atë që duam të theksojmë, mund t’i përdorni në të mirën tuaj. Për shembull, nëse keni gjoks të vogël, vishni këmishë apo bluzë me vija të gjera. Nëse dëshironi ta rritni pak prapanicën, zgjidhni pantallona apo fustane me këtë detaj. Vijat vertikale e zgjatin trupin.

VIJAT E GJERA ME ATO TË NGUSHTA

Sa më të gjera të jenë vijat, trupi juaj do të duket më i gjerë. E kundërta e kësaj, sa më të ngushta, syri do ta ketë më të vështirë të përqendrohet në një linjë, kështu që do të dukeni më vitale.

VIJAT NUK DUHET TË DOMINOJNË

Me fjalë të tjera, zgjidheni një veshje me vija për ta kombinuar me një veshje njëngjyrëshe. Për shembull, këmishën me vija e kombinoni me pantallona apo fustan njëngjyrësh. Po ashtu, kombinimet më popullore të vijave janë vijat e kaltra me të bardha dhe vijat e kuqe me të bardha.