Për të fituar një femër, shmangni zhurmat

A ju pëlqen ata meshkuj që bëjnë gjithçka për tu kënaqur ju? Nëse më duhet të them patjetër të vërtetën unë personalisht nuk i dua këta njerëz.

Por kjo është një çështje personale, sepse edhe në shoqëri ose në punë nuk i pëlqejë atë njerëz që të thonë “me forcë” sa e mirë je, sepse komplimentet e humbasin natyralitetin.

Kështu që në dashuri rroftë spontaniteti, sidomos ato marrëdhënie ku gjithçka rrjedh si një lumë, pa paramendim dhe pa keqdashje. Këto mendime natyrisht që s’janë vetëm të miat. Ajo që është e dukshme, në fakt, është se për të fituar një grua të mirë duhet t’i shmangni frazat e zakonshme apo shprehjen e ndjenjave vend e pa vend, sepse e bëjnë një mashkull të duket si i “shkollës së vjetër”.

Me pak fjalë, më mirë një qasje më të drejtpërdrejtë. Jemi mes femrave, atëherë ne mund të vendosim limitin tonë. Sepse dëshirojmë kaq shumë të jemi të rrethuar nga mënyrat romantike dhe kurajoze të meshkujve, ankohemi se burra të tillë nuk ka më, dhe pastaj kur i takojmë një person i cili bën gjithçka për të na fituar sipas “stilit të vjetër” e qeshim.

Një goditje e rëndë edhe për shkollën e joshjes. Psikologia Petra Boynton nga Universiteti i Londrës, gjatë një diskutimi të mbajtur në Birmingam, ka vendosur në mur manuale mbi takimet dashurore, duke shpjeguar sesi këshillat rreth teknikave të joshjes s’kanë në të vërtetë asnjë provë shkencore rreth funksionalizmit të tyre.

E në fakt nuk është e gabuar. Sepse çdo person është i ndryshëm dhe nuk mund të besojmë se për të fituar një femër mjaftojnë disa teknika më shumë. Sepse mund të biesh në dashuri rastësisht, tërheqje kimike, apo vetëm për seks, pra nëse do të kishte për çdo marrëdhënie disa rregulla standarde, nuk do të kishte më kuptim vetë lidhja.

Nëse flasim në detaje, është e nevojshme të shmangim komplimentet me kuptim të dyfishtë, sepse mund të rezultojë me pasoja të kundërta.

Përpiquni të jeni të thjeshtë, të keni një qasje më të drejtpërdrejt dhe jini origjinal. Kushtojini shumë rëndësi edhe gjuhës së trupit, që ka shpesh një rol të rëndësishëm. Shpesh humbasim në fjalët tona, duke u përpjekur të analizojmë “mesazhet e nën ndërgjegjes’ sonë për tjetrin.

Komento