Si ta evitoni ënjtjen e fytyrës dhe trupit

Nëse thuajse çdo mëngjes zgjoheni me sy të ënjtur, pamje e cila vazhdon edhe gjatë një pjese të mirë të ditës, atëherë kjo dmth se keni problem me mbajtjen e ujit në organizëm.

Për ta zgjidhur këtë problem, duhet që të merrni sasi të mjaftueshme të ujit, por edhe që të bëni lëvizje më shumë.

Në të njëjtën kohë, duhet ta zvogëloni edhe konsumimin e sheqerit dhe kripës. Nuk është keq as të provoni të merrni vitaminën B6, i cili shërben si diuretik natyror.

Me rëndësi është që të konsumoni ushqime të pasura me kalium, sikur që janë domatet, patatet, bananet dhe shpargujt. Mundohuni që në menynë tuaj të përfshini sa më shumë pemë dhe perime, por mos i lini anash as proteinat.

Disa nga diuretikët natyrorë janë edhe: çaji jeshil, lëngu i boronicave të kuqe, uthulla e mollës, hithrat, bostani, kastravecët (vetëm ata të freskëtit, sepse kastravecët turshi përmbajnë tepër kripë), shpargujt (nxisin punën e veshkave), etj. Krahas perimeve të përmendura, duhet të konsumoni edhe bizele, lakër, karotë, sallatë të gjelbër dhe domate.