Sindroma e lëkurës së ndjeshme

Rreth 52% të njerëzve përshkruajnë lëkurën e tyre si tepër të ndjeshme, ku shkak për këtë janë alergjitë e ndryshme, përbërësit kimikë në produktet për kujdes ndaj fytyrës.

Lëkura tepër e ndjeshme mund të skuqet edhe pas larjes me ujë të çezmës, ku ky problem është duke u hasur te një numër gjithnjë e më i madh i njerëzve.

Shkaqet e një lëkure tepër të ndjeshme janë të shumta, thonë dermatologët.

Parfumet dhe konservuesit në preparatet kozmetike shpesh nxisin paraqitjen e reagimeve të lëkurës, por një efekt të tillë e kanë edhe përbërësit e shumicës së shampove, shkumave të banjës dhe pastës së dhëmbëve.

E natyrshmja nuk është doemos edhe e shëndetshme

Është ironike, por trendi i përdorimit të kozmetikës natyrore, në fakt ka rritur ndjeshmërinë e lëkurës.

Specialistja Danièle Ryman thekson sesi shenja ‘natyrale’ në produkte, nuk nënkupton doemos se ato produkte janë të butë ndaj lëkurës.

Këshilla për qetësimin e lëkurës

Dermatologët këshillojnë që të mos përdoren sapunët për fytyrë, kurse uji për larjen e fytyrës duhet të jetë i butë.

Duhet që të përdorim sa më pak preparate për kujdes, meqë nëse përdorim shumë preparate, rritet rreziku për paraqitjen e ndjeshmërisë së lëkurës.

Stili i jetës

Ajri i ndotur, stresi, mungesa e gjumit, mplakja dhe stili i jetës, të gjitha këto lënë gjurmët e tyre në lëkurë.

Edhe pse në ajrin e ndotur nuk mund të ndikojmë shumë, ne mund ta përmirësojmë stilin e jetës sonë, duke zvogëluar ndjeshmërinë e lëkurës, thonë ekspertët.